Бахрейнд болсон далбаат завины уралдаанд оролцож байгаад санамсаргүйгээр Ираны усан хилийг давж, баривчлагдсан Их Британийн таван иргэн суллагдлаа. Тус улсын радио эдгээр хүмүүс санамсаргүй хил давсан нь нотлогдсон тул суллагдах болсон гэжээ. Ираны уран баяжуулах хөтөлбөрийг тойрсон олон улсын маргааны улмаас таван иргэний хувь заяа буруугаар эргэх вий гэсэн болгоомжлол гараад байсан ч энэ удаа хэрэг явдал тэгтлээ. гүнзгийрсэнгүй.
Их Британийн Гадаад хэргийн сайд Дэвид Мелибанд “Энэ явдал улс төртэй, тэр дундаа уран баяжуулах хөтөлбөртэй огт холбоогүй ” гэж мэдэгдсэн.
Харин Иракт аялж яваад төөрч, Ираны хил даван баривчлагдсан АНУ-ын гурван иргэнийг тагнуул хийх зорилготой байсан гэж үзэж буйгаа Тегеран арваннэгдүгээр сарын дундуур мэдэгдсэн. Тэдэнд эрүүгийн хэрэг үүсгээд байгаа юм.
Subscribe to:
Post Comments (Atom)
No comments:
Post a Comment